خسارة المنتخب البحريني من المنتخب الاسترالي

السلام عليكــم ورحمـة الله وبركاتــة ،،[center]


آعتقد الي شاهد المباراة كاملة من اولها لي آخرها .. مابيرضى بالنتيجة النهائية !!
90 دقيقة من الضغط الاحمر والفرص الضائعة كانت كافية انها ترجح كفة منتخبنا للظفر بالنقاط الثلاث

لكن انا اريد وانت تريد .. والله يفعل مايريد

مباراة كاملة ضاعت بسبب خطا لاعب واحد ..

طول المباراة الدفاع ماسكين الملعب من احسن مايكون .. يعني ماقدرو يكملونها وعلى اقدر تقدير يطلعون بتعادل ..
آنه ماحط اللوم على محمد حسين الي ضيعنا .. لكن يعني في مثل هالمواقف الواحد لازم يحتاط اكثر من اللازم ..
فريقك كان هاجم وضاغط المفروض انت تساعفه وتلعب وتحافظ على مرماك ..
يعني كرة سهلة ضيعت المباراة كلها ..

خلنا احين من الخسارة .. باتكلم عن مستوى الاحمر بشكل عام .. اليوم كان في استبسال من الفريق كله
كلن مادي دوره على اكمل وجه .. ولو ان احنه افتقدنا انطلاقات عبدالله عمر وتمريرات محمد سالمين .. لكن التشكيلة الي وضفها ماتشالا ادت دورها على اكمل وجه .. محمد حبيل وعودة قوية للمنتخب .. وحسين بابا لكن الاصابة ماساعفته يكمل المباراة مع ان لعب من احسن مايكون .. جيسي جون وعلاء حبيل ذبحونا بالفرص الضايعة والله اقلتها نطلع ب3 أقوال لكن وين !! تقولون الكرة حالفة تدش !!
وعتب على ماتشالا وايد تاخرت في اشراك عبدالله الدخيل .. المفروض من بداية الشوط الثاني تدخله وانت جايف ان فريقك متسيد المباراة لازم تدعم خط الهجوم بلاعب نشيط يقدر يخلص لك المباراة مثل عبدالله ..
اليوم جفنه خطط تكتيكية حلوة وتمريرات حلوة لكن فقدنا اللمسة الاخيرة .. ياالكرة تضيع او ان اللاعب الاخير مايخلصها في المرمى .. ومنتخبنا قدر يفرض لعبه على المنتخب الاسترالي الي استسلم تقريبا للمباراة .. لكن في النهاية هو الي حصلها بقدرة قادر !!

يلا احين مانقدر نقول شي .. ليحين احنه في ذيل الترتيب .. لكن مستوانا يطمن ..

مادري في مجال نعوض او لا !

مسامحة ع الاطالة وآترك لكم التعليق ..


تحياتي ..